Temwen

Mwen se temwen Jezikri

M ap obeyi li

Lemonn pa ka bay lavi

Se sèl Jezikri.

Mwen vle konsakre lavi m

Pou m fè sèvis li

Tout byen m gen sou latè

Se pou travay li.

O! wi, pou w temwen

Fò w konnen Jezi

Sèl pitit Bondye a

Ki mouri pou nou;

Lòm pa kapab jwenn Bondye

San l pa jwenn Jezi

Alelouya! m te pèdi

Men m twouve lavi.

Abraham, papa lafwa

Bib la di nou sa

Avan Abraham te la

Jezikri te la;

Jezikri pa t janm pa la

E l ap toujou la

Pou w gen lavi etènèl

Fò w nan Jezikri.

Lè m kwè m te prè Jeova

Poutan m te byen lwen,

Mwen t ap chèche verite

Tout kote m pase;

Tout pouvwa pou Jezikri

Ki fè m wè erè m

Se li ki laverite

Pou letènite.

Senyè Bondye twa fwa Sen,

Ki gen tout pouvwa

Ou ki voye Jezikri

Vin mouri pou nou

Nou ba ou remèsiman

Pou bon sovè sa

Ki te bay lavi l pou nou:

Jezi Wa tout wa.