Golyat

Mwen tande bri a kouri

Menm senkant fwa deja

Jodi a zòrèy mwen tande l

Se sa k fè m kwè se vre

Golyat kanpe devan m

Ala yon gwo gason!

Chak mo k soti nan bouch li

Te fè cheve m sekwe.

Wi, Golyat, ou gwo nèg vre

Men w ap pèdi batay la

Lè piti ki devan ou la

Kanpe nan non Bondye

Ni pisans, fòs ak ladrès

Se Bondye ki bay yo.

Jodi a monche Golyat

Ti zwazo pral bwè san w.

Tout pèp la te reyini

Je yo tout te sou mwen

Lè Golyat t ape pwoche

Li panse l t ap kraze m

Je li te fè zeklè

Misye fache tout bon

Menm lè epe l anlè

M konnen m t ap gen viktwa.

Wi, mwen kraze Golyat vre

Avèk yon ti grenn wòch

Pisans Bondye a fè m

Disparèt gwo nèg sa a

Peche yo se Golyat

Lè yo vin sou wout mwen

Mwen rele Bondye Wa tout wa a

Mwen gen viktwa sou yo.