Mwen Genyen Yon Bagay

Mwen genyen yon bagay

Ki fè kè mwen kontan

Anpil moun etone, pou wè

Kòman m kontan,

E m ap toujou kontan

Espwa m pa sou tè sa a

Daprè pwomès Bondye

Menm si mwen te grangou,

M pa t gen kay pou m rete,

M ape tann gran jou sa a.

P ap gen pale franse

Konesans pra l fini, richès pra l disparèt.

P ap genyen gwo mesye,

Ni p ap gen gwo madanm,

Tout moun va menm bagay.

Lè Jezi retounen, li p ap vini chèche

Savan ak zotobre;

Sèlman li va bezwen

Moun ki fè volonte l,

Yo va men nan lamen.

Pou ou kapab al legliz,

Fòk ou byen abiye

Sa k pa gen pou l mete,

Pa dwe chita kote w

Ou ranpli ak lògèy.

Sonje sa Kris te di

Gwo doktè Nikodèm;

“Si w ta vle gen lavi,

Fòk ou fèt yon lòt fwa,

Ou va wè gran jou sa a.”

Anpil moun konvèti,

Yo pa chèche Bondye,

Y ape priye sèlman

Pou kay avèk oto,

Se bagay k ap pase.

Yo pa priye Bondye

Pou padon peche yo

fòk nou fè atansyon,

Paske kay ak oto

P ap rantre nan syèl la.

Lasyans ape travay,

Malgre sa se nilman,

Sa k konn fè mechanste,

Ap vini pi mechan,

Syans pa ka bay lavi.

Lòm pa ka chanje lòm,

Se sèlman Jezikri

Menm si w te lougawou,

Ou te konn touye moun

Jezi kapab chanje w.