Le nou nan lamize, akable toumente

Lè nou nan lamizè,

Akable, toumante,

Lè lavi nou boulvèse;

Lè nou pèdi espwa;

Lè tout bagay fènwa,

Lè nou pa wè devan,

Lè tristès nan kè nou,

Lè nou nan laflilksyon

Lè nou vle dekouraje

Leve je nou anle,

Epi gade Jezi

N a santi nou pi fò.

Jezi ! Jezi !

Tanpri ban nou fòs

Pou nou lite.

Jezi ! Jezi !

Si ou pa kenbe n

Nou va tonbe.

Pafwa se tantasyon

Chak fwa nou vle fè byen,

Men se mal ki prezante,

Nou gen bòn volonte,

Men twòp difikilte

Fè nou pèdi lafwa

Pafwa se maladi,

Gen de lè se lanmò,

Elas! nou dezespere,

Si nou priye Jezi

Wise nan limenm sèl

Nou gen konsolasyon

Sa vre nou vle travay,

E machje pou glwa li

Men nou manke fòs, kouraj

Lè eprèv yo vini,

Gen kote nou febli,

Malgre kalamite,

Malgre difikilte ;

Annou pa ebranle,

Annou priye Jezi,

Paske se limenm sèl

Ki ka ban nou lajwa.