Map travay pou Jezi nan vwayaj mwen

M ap travay pou Jezi nan vwayaj mwen;

M ap travay jouk nan fen jounen an;

Mwen ka bwonche souvan nan chemen mwen,

Men l a padone mwen si m priye.

M ap travay pou Jezi nan vwayaj mwen;

M ap travay nenpòt kòman mwen ye;

Pawòl li se asirans mwen genyen;

Nan travay la m ap toujou rete.

Gen de lè kè mwen tris pase yo tout

Akòz danje mwen wè nan chemen;

Jezi di: Pa pè, mwen toujou ak ou;

Se mwen ki kapab kenbe w ak mwen.

Mwen kontan avèk Jezi, Sovè mwen;

L ap konsole pòv kè mwen toujou;

Zanmi mwen, vini tou, kwè nan Jezi,

W a jwenn li fidèl pou sove ou.