Souvan nou mande

Souvan nou mande, sa demin ap pote

Si se pa anpil lajwa, chagrin ou tristès

Souvan nou pèdi anpil sou avni nou

San nou pa men m panse si Jezi ak nou.

Frè mwen ak sè mwen atansion pa trouble

Konnin ke avni nou, li nan men Bondye

Tout sòm lavi-a, lè prezan e lavni

Yo tout byin kalkile pa Lespri Bondye.

Nou pa kapab fè anyen pou tèt nou

Si se pa men Bondye ki ap kondwi nou

Si nou vle gingnin yon bèl briyant avni

Sèl bagay pou nou fè se konfie nan Dye.

Sonje trè byin Bondye nou-an puisan

Tout sa ki imposib, ak Li yo posib

Nou doue prepare nou pou retou Jezikri

Paske Li a la pòt, L-ap vin chèche nou.