Isi-ba mwen Satisfè Ak yon Ti Kay

Isi ba mwen satisfè ak sa m genyen

Ak mezi byen Jezi vle ban mwen.

M konnen nan syèl la

Kote zanj y ap chante

Mwen gen yon palè depi mwen sove.

Nan peyi anwo a

Mwen genyen yon palè

Se lòtbò mòn lan

Mwen anvi rive,

Yon jou m a wè li

Lè Jezi va vini

M a louwe Li pou letènite.

Malgre mwen tante,

Toumante, meprize

Kèk fwa menm tèt mwen

Konn byen chaje.

Mwen se vwayajè

Mwen prale nan syèl la.

Mwen wè ak lafwa

Yon palè laba.

Mwen pa malere,

Mwen p ap dekouraje

Mwen santi mwen byen,

E mwen vle chante.

Devan twòn Bondye,

M ap ansanm ak zanj yo,

Chante pou Jezi

yon kantik nouvo.