Koute Vwa Jezi Ki Nan Dezè-a

Koute vwa Jezi ki nan dezè a

L ap chèche mouton ki pèdi yo

Mouton ki egare lwen patiraj la

L ap fè yo rantre nan pak la

Vini, vini, mouton ki pèdi yo

Vini, vin jwenn mwen

Bèje w ap chèche w

Men vwa m nan dezè a ape rele ou,

E de bra m louvri pou m resevwa ou

Vin jwenn mwen

Sonje te gen 100 mouton nan pak la

Genyen youn ki te egare

Byen lwen nan mòn nan, nan vale a

Li te twouse pye l, l al chèche l.

Li te kite katrevendiznèf yo

Pou l ale chèche yon sèl la.

E lè l te jwenn li. li te tèlman kontan

E sou zepòl li, li pote l.

Sonje ti gason ki te pèdi a

Li te mande papa l byen pa l

E lè l te pati fin depanse yo;

Li te oblije retounen.

Ou menm si ou vle vini jodi a tou

Konsa li va resevwa ou

Li te pote lòt la sou zepòl li

L a akeyi ou nan bra li.